الاعشاب وتربية الدواجن

السلام عليكم 

لنتعرف على  مدى قيمة الاعشاب فى حياتنا اليومية 

اليوم حبيت اعمل نقلة خفيفة من التداوى بالاعشاب لللانسان الى استخدام القيمة العلاجية للاعشاب لصالح الدواجن ايضا

لكل محبى تربية الدواجن تعرف معنا 

الكركدية وقيمته العلاجية للدواجن :

1- مطهر معوي قوي حيث أنه لديه القدرة علي القضاء علي البكتيريا الضارة .

2- يعمل علي تنشيط الدورة الدموية مما يؤدى الحصول علي صحة جيدة للطيور .

3- الحفاظ علي درجة حرارة الجسم ولذلك يفضل استخدامه في وقت سخونة الجو  لما يحتويه من كميات عالية من فيتامين سي .

4- يعمل كطارد للسموم لاحتوائه الستريك أسيد والماليك اسيد .

5-يستخدم في أيام البرد لتجنب التهابات الجهاز التنفسي .

طريقة استخدامه للدواجن :

الكركديه بمعدل 1-3 جرام علي اللتر له نتائج ممتازة علي أداء دجاج اللحم.

.................................................

حبة البركة أو الحبة السوداء:

صالحة جدا للكتاكيت من عمر 35 يوم.

وذلك حيث ان الدراسات أن إضافة 1% من حبة البركة أدي تحفيز الجهاز المناعي نتيجة زيادة إنتاج الأجسام المناعية 

.................................................

النعناع :

بناء على دراسة للنعناع اثبت الاتى :

إضافة النعناع المجفف للعلف بنسبة 0.5% له فوائد عظيمة ومردود قوي علي نسبة النافق والوزن النهائي.

والسبب فى ذلك أن : 

1- النعناع يعمل كفاتح شهية للطيور مما يحثها علي الإستهلاك للعلف .

2- النعناع يعمل علي تنشيط إفراز إنزيمات الهضم للمواد الغذائية وبالتالي تزياد من فرص الإستفادة القصوي للمواد الغذائية .

3- النعناع يساعد علي عملية الإمتصاص الجيد للمواد الغذائية .

4- النعناع يعمل علي توازن ميكروفلورا الأمعاء (منشط مناعي قوي) .

5- يقلل من نشاط الميكروبات الضارة مثل الإيكولاي والكولستيريديا .

6- يزيد من نشاط وتكاثر البكتيريا النافعة مثل بكتيريا اللاكتوباسليس.

النعناع ومستخلصه يعمل كمضاد فيروسي وكمضاد بكتيري ومضاد للإسهال ومنشط مناعي قوي.

..........................................................

الفلفل الأسمر والقرنفل وأوراق الريحان :-

عشرة جم من مسحوق القرنفل 

عشرة جم  من مسحوق الفلفل الأسمر 

عشرة جم  مسحوق أوراق الريحان

الجميع يوضع  في ماء سبق غليه (ارعة لترات )ويضاف 1 سم على لتر ماء .

- اليكم فوائد القرنفل :-

- يحتوى القرنفل على نسبة عالية من المعادن مثل الحديد والماغنسيوم والفسفور والصوديوم والكالسيوم والبوتاسيوم، والفيتامينات A ,C , K ويحتوي ايضا على المنجنيز.

- ايضا القرنفل مفيد في علاج جميع الأعراض التنفسية و يمنع جميع اضطرابات الجهاز الهضمى.

- و له تأثيرقوى علي البكتيريا الضارة بالأمعاء .

- القرنفل من أقوي منشطات المناعة للجسم ضد ( فيروسات وبكتيريا وفطريات وطفيليات) .

زيت القرنفل للعلف بنسبة 8%... الإضافات تقدم يوميا لمدة 9 ساعات .

 - يتم تحضير  مستخلص القرنفل بإضافة مائتى جم لكل لتر ماء للنقع مدة 24 ساعة ثم يصفى  تماما ويوضع  في ماء سبق غليه عند درجة 40-50 درجة لمدة نصف ساعة  ثم يترك ليبرد ثم يصفى  ويضاف  للماء بمعدل 4جم/لكل لتر لمدة 9ساعات.

...............................................

الليمون وقصب السكر

الطريقة: 

_ يتم عصر كيلو ليمون بقشرة مع 5 أكواب عصير قصب ويوضع مع 500 لتر ماء وتكون سقوة فى الصباح او المساء 

فوائد الليمون :

- يقوى الجهاز المناعى للدجاج .

_مطهر معوى ومضاد بكتيرى و فيروسى

_ وقاية من الانفلونزا

_ مضاد للسموم

فوائد القصب :

_ مدر بولى وغسيل كلوى

_ يحتوى على فيتامينات واملاح معدنية

_ منشط كبدى

_ مضاد للاجهاد

...........................................

اليوكا :

العشبة دى بتمسح الامونيا مسح

بنضيفها 1 كيلو على الطن دا لو هتجيبها بتلات او زهوز زى اللى فى الصورة كدا

 اضافة كيلو على الطن من مستخلص اليوكا دا بيمنع نمو الكوكسيديا تماما

ملحوظة: عندما تاكل منه الكتاكيت من عمر يوم الى ستة ايام بتفحص تلاقى ان الخملات villi كبرت فى الطول عن الطبيعى

ودا اللى بيخلى اليوكا تحسن الهضم وترفع النمو ومعدل التحويل اخر الدورة .والكوكسيديا مش هتنمو فى وجودها

خملات اطول حجما من الطبيعى فوزن اعلى.

.............................................................

إستخدام الكمون والكسبرة

ان المحلول الكحولى من الكسبرة والكمون بيكون اقوى على الكولاى والاستاف من الجنتاميسين والسلفا والنادليكسيد اسيد والامبسلين

مع ملاحظة  ان دا محلول .يعنى نضيف 2 كيلو كمون مع 3 كيلو كسبرة على طن علف طوال الدورة.

........................................................

الزنجبيل :

إضافة الزنجبيل بنسبة 1% للعلف للطيور من عمر 21 الى 42 يوم .ويستفاد من ذلك فى ان :

أقل استهلاك للعلف في هذه الفترة  وأعلي وزن نهائي (أكل أقل -- وزن أعلي) .

ملحوظة :زيادة نسبة الزنجبيل عن النسبة المذكورة تأتي بتائج عكسية خاصة لو زادت عن 1% .

.......................................................

الكراوية:

و مدي تأثير إضافة بودرة الكراوية الجافة علي أداء دجاج اللحم من أوزان نهائية ومعدل إستهلاك كلي ومعامل تحويل غذائي .

- إضافة الكراوية الجافة علي العلف بنسبة 1-1.5% لها مردود إيجابي علي فروج اللاحم من حيث الوزن ومعامل التحويل الغذائي .

-وذلك لان الكراوية :-

تعمل علي تنشيط النمو عن طريق تحفيز زيادة الهضم والإمتصاص .

 تعمل كمضاد للميكروبات الضارة التي تنمو في الأمعاء .

 لها أثر جيد لمقاومة التسمم للجهاز الهضمي .

......................................................

القرفة:

-تعرف غلى  مدي تأثير إضافة القرفة علي أداء دجاج اللاحم من حيث الوزن ومعدل استهلاك العلف ومعامل التحول الغذائي .

- إضافة القرفة العادية علي العلف بنسبة 0.5% (5كجم/طن) له نتائج إيجابية علي معدل الوزن واستهلاك العلف ومعامل التحويل الغذائي .

- فائدة  للقرفة :-

1- تعمل القرفة علي زيادة إفراز إنزيمات الجهاز الهضمي مما يساعد علي الإستفادة القصوي من الغذاء .

- القرفة تعد مصدرا جيدا للمنجنيز والحديد والكالسيوم .

2- تعمل القرفة علي مساعدة تدفق الدم لجميع الأجهزة . مما يزيد من الحالة الصحية للقطيع .

3- القرفة مضاد  للبكتيريا الضارة في الأمعاء وبالتالي تزيد من نشاط البكتيريا النافعة مما يحدث توازن ميكروفلورا الأمعاء .

4- تعمل كمضاد للأكسدة مما يمنع تأكسد خلايا الجسم وبالتالي تعوق الإصابة بكثير من الأمراض .

5- تعمل القرفة علي تقوية الجهاز المناعي للطيور .

6- تفيد في وقاية و علاج التهابات الجهاز التنفسي الناتجة عن الميكروبات التنفسية .

.....................................................

الفلفل الحار والبردقوش: 

إضافات غذائية علي الأداء الإنتاجي و المحتوي الميكروبي للقناة الهضمية لبداري التسمين.

أعطت أفضل أداء إنتاجي و أعلي عائد مادي و أدت إلي زيادة مناعة الطيور إلا أنه يمكن التوصية كذلك باستخدام الفلفل الحار بنسبة 1.5% أو خليط من كل من الفلفل الحار + البردقوش (1.5%+1.5%) و التي أعطت أفضل وزن جسم و زيادة في وزن الجسم و كذلك معامل التحويل الغذائي خلال الثلاثة أسابيع الأولي كما أدت إلي الحصول علي أفضل قبول عام للحم الطيور مقارنة بمجموعة الكنترول. كما أدت هذه المعاملات الثلاثة إلى خفض أعداد الكائنات الدقيقة الضارة مقارنة بمجموعة الكنترول.

....................................................

الخل وسكر قصب :

الخل المنزلى:

استعماله باستثناء اوقات التحصينات وجرعات الكوكسيديا والفيتمينات

يعطى  وزنا اعلى تقريبا 100جرام عن العادى  والنافق اقل شوية.

سكر قصب :

-السكرفى قصب السكر  بيزيد نشاط البكيريا اللهوائية فى الامعاء زى البيفيدوباكتريم والباسيلس ودول لما بينشطو بيفزو انزيمات واحماض هاضمة بتحسن من اداء الامعاء وتظبط بطانتها.

الجرعات : 

الخل البيتى بجرعة 10 سم

 الخل الطبى بجرعة 10 سم

الخل الخام بمعدل 2 سم

اما عن الاوقات 

معظم الدورة باستثناء لو فية جرعات اخرى فى المية يعنى امعاء الطير كانت معرضة لة بصفة شبة مستمرة

واحلى ما فى نتايج الدورات 

..............................................

النعناع والمرمرية والكافوروالخزامى والزعتر:

معلقة اكل من النعناع +معلقة من المرمية + معلقة من اليوكاليبتوس(الكافور)+ معلقة خزامى+ معلقة زعتر

 لتر ماء ساخن بعد الغليان وننقع الكميات دى فية بعد طحنها طبعا

ونسيبها ربع ساعة ونصفى المنقوع ويضاف على 200 لتر مية

لمدة 10 ايام متواصل ونريح اسبوع ثم  10 ايام اخرى وهكذا

يجب عدم غلى الكميات السابقة مع الماء ولكن يغلى الماء  أولا ثم توضع فيعه الكميات بمعنى اضافة المياة المغلية للاعشاب .

يعنى المية المغلية نضيفها للاعشاب وليس العكس ونغطى المنقوع دا لمدة 15 دقيقة لازم يتغطى علشان الزيوت الطيارة منفقدهاش

 بينضف المجارى التنفسية تاما وبيمنع السدة التنفسية بتاعة الاى بى.

.................................................

إستخدام الثوم والزنجبيل والكينا أو الكافور

فى علاج الانفلونزا بنوعيها H5 H9 والآى بى

فى وسط الدنيا اللى مليانة فيروسات دى 

الخلطة على عنبر 5 الاف طير من عمر 12 يوم يعنى قبل ما يتاثر الجهاز التنفسى او تظهر الطشمة

وهنعمل الاتى

100 كيلو علف مضاف اليها 2ك ثوم مفروم 

1.25 ك زنجبيل 

400 جم كينا ( على هيئة لحاء او قشور ) او الكافور

كل واحد فيهم يتخلط ويكون على شكل بودرة ويخلط خلط تام على ال100 كيلو علف

وهتقدم وجبة فى الصباح على ان يكون قبلها 2 ساعة اظلام

يعنى مثلا اطفى النور الساعة 4 ليلا 

واعلف الساعة 6 الصباح

ونفس الموضوع هتعملة فى المساء بنفس الكمية هتطفى النور المغرب الساعة 5 وهتعلف على الساعة 7 مساء

طريقة الخلط 

هتفرد اول 50 ك علف على كيس وهترش علية نص الخلطة السابقة 

وتفرد ال50 ك الباقيين وتفرد علية النصف التانى من التركيبة 

وهقلبهم بطريقة متجانسة ووانت بتقلب هتكون مجهز محلول عسل اسود يعنى بخاخة فيها 2 لتر مية مضاف ليها 1 ك عسل اسود 

واخد هيخلط العلف علشان يعمل تجانس فى التركيبة مع العلف وواحد يرش محلول العسل بشرط عدم ترطيبة بل تندية فقط

بعد عمر ال25 يوم الخلطة هتكون على 150 كيلو علف او 3 اكياس وعليها 

هيكون كل عشب مرة ونص يعنى الثوم من 2 ك الى 3 كيلو

والكينا هيكون 600 جرام يعنى ضيف نص الكمية

ملحوظة هامة لكثر عملية الغش فى الاعشاب خاصة الكينا والزعتر افرك العشب على ايدك لازم تشم رائحة عطرية نفاذة مميزة 

اما الزنجبيل معروف بانة حراق 

دا شغل العلف

وعند ظهور اول الاصوات التنفسية هنقوم برش زيت الكافور مع زيت نعناع اعلى الطيور بارتفاع متر 

بمعدل نص لتر زيت كافور مع ربع لتر زيت نعناع لو معرفتش ترشهم لانهم زيت ضيفهم على بخاخة فيها 4 لتر كيروسين 

بس خلى بالك اطفى الدفايات بعد الرش وقبلة باقل حاجة 1.5 ساعة

الرشة دى مرتين مرة صباحا ومرة مساء

الخلط يكون على العلف عادى 

اما شغل المية فصعب ان الطير يكون عرضة للعشب بصفة يومية لان فية علاجات وتحصينات مما يقلل من كفاءة التركيبة.

..............................................

استخدام الحلبة:

وهى اضافة الحلبة فى الماء 

بمعنى مغلى  الحلبة عادى والماء تحطة على ماء الشرب والحبوب تخلطها على العلف ولو علفك جاهز رشها على العلافة من فوق

 بجرعات 1 جرام على اللتر عادى جدا

يعنى 1 ك على 1000 لتر لاكن طبعا لو على 500 هتكون النتجة افضل

وكمان لو زودت عن 1ك هتكون بردة النتيجة افضل وافضل لان الحلبة ملهاش اى مواد مثبطة للنمو او تعارض اى حاجة

بالعكس مليانة Antisepic

ونتيجة ذلك 

زيادة من 120 الى 150 جرام فى الوزن بالمقارنة بين شغل المزرعة.

.........................................

إستخدام البصل والثوم والليمون والخل

خلطة لرفع الوزن

فتح الشهية

تقليل الميكروبات المعوية

رفع معامل التحويل

بس طبعا بطول المعاملة يكون بالاستعمال لفترة

واعمل حجازة عندك وقارن بين وضعها من عدمة

بصل

ثوم

ليمون

خل

لو العلف هتصنعة انت

حط على الترتيب 8 ك - 5 ك - 5- 10 لتر 5% على الطن

لو علفك جاهز ومش هاعرف تضيفها على العلف

اعمل الاتى على الترتيب

2ك بصل + 1 ك ثوم+ 1 ك ليمون كل دول يتخلطوا فى الخلاط بس مش بمية

بخل وممنوع وضع الماءء عليهم

وكمية الخل على القدر اللى يخلى المكونات تتخلط ومتمسكش فى الخلاط

فينتج مادة جافة وعصير

المادة الجافة هتترش على العلافات من وقت الى اخر وياريت بعد تجويع فترة بسيطة علشان الاستهلاك السريع

المادة العصيرية هتتخلط بمعدل 5 لتر على متر مكعب ماء

يجب  وصعها دايما ليلا باستمرار بقدر المستطاع او معظم الليالى

وبردة لو تم التعطيش وخلصت فى 4 الى 6 ساعات تكون النتيجة كويسة بس يكون جرعة نص يوم

يعنى يقدر استهلاك القطيع من الماء نص يوم وتتخلط الخلطة دى بمعدل 5 لتر لكل متر مكعب ماء

بمعنى لو عطشت علشان تتشرب بسرعة هيكون نفس الكمية على نصف او بع الماء على حسب استهلاك القطيع لنصف يوم

بس النتجة على حسب طول المعاملة

....................................................

إستخدام مسحوق الكركم والثوم

ذلك لـ رفع المناعة وزيادة معدل التحويل وزيادة الخملات.. فالثوم مطهر للمعده - وايضا لعلاج السموم - طارد للدود - مساعد على الهضم ومشاكله - والقضاء على اغلب فيروسات الامراض للطيور - منشط عام - وايضا منشط للذكور فى حالات الانتاج والاخصاب ،،، 

والكركم منشط نمو جيد لزيادة الأوزان و يعمل كمضاد حيوي ليؤثر علي البكتيريا الضارة ويعمل كمضاد للاكسدة وبالتالي حماية خلايا الجسم ،، منشط مناعي قوي حيث يحفز نشاط الجهاز المناعي ،،مضاد للإلتهابات المعوية والتنفسية في الجسم ،،مضاد سموم ويعمل كحماية للكبد ضد سموم أفلاتوكسين ،،يعمل كمادة محسنة للطعم مما يزيد من استهلاك العلف ،،يساعد علي نمو وتطور الجهاز الهضمي ،، مضاد للديدان التي تصيب الجهاز الهضمي ،،يساعد علي التئام الخلايا والأغشية المخاطية .

من المعروف ان القناة الهضمية هى المصنع المسؤل عن التحويل الغذائى وفيها الهضم والامتصاص

ومعروف ان طول ما احنا محافظين على الطبقة اللى بيحصل فييها الضهم والامتصاص واللى مليانة غدد مناعية فدا معناة تحويل عالى ومناعة معوية فعالة

................................................................

شير في الخير لتعم الفائدة
افعل الخير مهما استصغرته فإنك لا تدرى اى حسنه ستدخلك الجنه